No afán de ofrecer un proxecto pedagóxico vivo e estimulante, un dos nosos piares fundamentais é o de ensinar nun Entorno Plurilingüe que non só favorecerá o crecemento intelectual do neno, senón tamén, segundo as evidencias mostradas en varios estudios, o seu pensamento lóxico, o coñecemento do entorno, e a capacidade para relacionarse cos demais proporcionando ós nenos novas formas de comunicarse e de expresarse, contribuíndo así ó seu desenvolvemento integral.
O galego, o castelán e o inglés introdúcense a través do traballo diario cos alumnos mediante actividades, cancións, e xogos, etc. O obxectivo fundamental e que os nenos asimilen as diferentes linguas da forma máis natural posible.