Tendo en conta que traballamos co 1º ciclo educativo (0 a 3 anos) non só nos centraremos no desenvolvemento das capacidades educativas, senón tamén creativas, motoras, socias e emocionais de xeito complementario ó importantísimo papel da familia.
Faremos especial fincapé no traballo e reforzo de rutinas segundo a idade, pero tamén atendendo á etapa evolutiva de cada neno de xeito individual, ademais de fomentar as relacións sociais, a colaboración e a solidariedade, sempre respectando a necesidade de cada neno de descubrir e de experimentar por si só.
En relación ás capacidades educativas, creativas, emocionais e motoras, contamos con programas específicos para cada etapa (0-1, 1-2 e 2-3 anos) adaptados de xeito progresivo para que os nenos aprendan a desfrutar aprendendo e descubrindo cousas novas.